Ætli þessir sætu sætukoppar séu ekki orðnir að girnilegum berjum núna. Vonandi fer að hætta að rigna hérna svo ég geti farið í berjamó.

Alda skellti sér í sund í sjónum í dag, ég prófaði að dýfa tánum ofaní og það var mjög kalt. Mig langar samt til að prófa að synda þarna, veit ekki alveg hvenær ég verð nógu kjörkuð.

Já það var mikið um að vera hér í litla þorpinu okkar um síðustu helgi og virkilega gaman.

Skemmtilegur rabbarbaragjörningur og sultusmakk á pallinum í Vinaminni.




Sjósund með Sólrúnu og Önnu


Kaffihúsastemming þar sem bankakjallarinn var eitt sinn. Þar gátu menn keypt glas á 200 kall og valið sér drykk eða sleppt því að borga og mála mynd á vegginn í staðinn fyrir drykkinn.


Þær frænkur Rósa og Alda Rut og Emil sonur Rósu.


Flottir blústónleikar á Brekkunni með Garðari og Þorleifi.


Svo var náttúrulega meira um að vera. Leikir og fjör á fótboltavellinum á föstudagskv., keppni með rabbarbaraafurðir á salthúsmarkaði, myndlistasýning Önnu Hrefnud á Brekkunni, hún opnaði einnig vinnustofu sína fyrir gestum á laugardag.

Ég er búin að setja fleiri myndir frá helginni í myndaalbúm.

Yndislegur dagur i dag sem fór aðallega í það að sitja úti  í sólinni, notalegt. Ætlaði svo að njóta þess að sitja úti í sólinni og grilla í  kvöldmatinn, en var aðeins of sein, því þegar ég byrjaði að grilla þá faldi sólin sig bak við fullt af skýjum, frekar kalt, en maturinn bragðaðist mjög vel.