Fallegur haustdagur, sólin skín og litbrigði haustsins skarta sínu fegursta og Sólmundur bróðir á afmæli í dag þess vegna ætla ég að setja hér inn 2 myndir sem ég var að skanna.

Hér erum við Sólrún búnar að dressa litla bróður okkar upp með því að klæða hann í jakka af Sólrúnu og strigaskó af mér og svo skartar hann þessum fína hatti, man ekki hver átti hattinn..


Hér eru Sólmundur og Solla alveg tilbúin á skautasvellið.

Langt síðan ég hef farið þarna um en útsýnið var flott þegar þessi mynd var tekin, kannski fyrir svona 5,6 eða 7 árum, ekki alveg viss, en það skiptir víst ekki öllu máli, mér finnst bara myndin flott.

Getur einhver sagt mér hvað þetta fallega blóm heitir.

Mikið væri ég til í að fá grillaða hamborgara í kvöldmatinn eins og Hilmar grillaði þegar hann var hérna í sumar, þeir voru alveg rosalega góðir.



Hann var hérna þegar hann átti 29 ára afmælið og fékk þennan skreytta og flotta pakka frá systur sinni.